ഡല്‍ഹിയില്‍ വാഹനാപകടത്തില്‍ രണ്ട് വിദ്യാര്‍ത്ഥികള്‍ മരിച്ചു

ന്യൂഡൽഹി: ഡൽഹിയിൽ റോഡപടകടത്തിൽ രണ്ടു വിദ്യാർഥികൾ മരിച്ചു. സംഭവത്തിൽ മൂന്ന് പേർക്ക് പരിക്കേറ്റു. ഇവർ സഞ്ചരിച്ചിരുന്ന കാറിന്‍റെ അമിത വേഗമാണ് അപകടകാരണമെന്ന് പോലീസ് അധികൃതർ അറിയിച്ചു. അമിതവേഗത്തിലെത്തിയ കാർ നിയന്ത്രണംവിട്ട് ഡിവൈഡറിൽ ഇടിച്ച് മറിയുകയായിരുന്നു. പരിക്കേറ്റവരെ സമീപത്തെ ആശുപത്രിയിൽ പ്രവേശിപ്പിച്ചു. ഇവരുടെ നില ഗുരുതരമാണെന്നാണ് വിവരം. വിദ്യാർഥികൾ മദ്യപിച്ചിരുന്നുവെന്നാണ് പ്രാഥമിക നിഗമനമെന്നും കൂടുതൽ അന്വേഷണം നടന്നുവരികയാണെന്നും പോലീസുദ്യോഗസ്ഥർ പറഞ്ഞു.