തേനിയിലെ കാട്ടുതീ; മരണസംഖ്യ ഉയരുന്നു

തമിഴ്‌നാട്ടിലെ തേനി കുരങ്ങിണി വനത്തിലുണ്ടായ കാട്ടുതീയിൽ മരിച്ചവരുടെ എണ്ണം പന്ത്രണ്ടായി.

48 പേരടങ്ങുന്ന ഒരു സംഘവും 12 പേരടങ്ങുന്ന മറ്റൊരു സംഘവുമാണ് ട്രക്കിംഗിനായി വനത്തിൽ പ്രവേശിച്ചതെന്നാണ് വിവരം. 27 പേരെ രക്ഷപ്പെടുത്തിയതായി തേനി ജില്ലാ കളക്ടർ അറിയിച്ചിട്ടുണ്ട്. അതേസമയം,മേഖലയിലെ തിരച്ചിൽ അവസാനിപ്പിച്ചു.

അപകടത്തിൽപ്പെട്ടവർ വേണ്ടത്ര മുന്നൊരുക്കങ്ങളില്ലാതെയാണ് വനത്തിൽ പ്രവേശിച്ചതെന്നാണ് സൂചന.