അന്‍സിബ സംവിധായികയാകുന്നു

സിനിമാനടി അൻസിബ സംവിധായികയാകുന്നു. എ ലൈവ് സ്റ്റോറി എന്ന പേരിട്ടിരിക്കുന്ന ഹ്രസ്വ ചിത്രമാണ് അന്‍സിബ ഒരുക്കുന്നത്. തിരക്കഥയും അന്‍സിബയുടേതാണ്.  കേരളത്തിലെ ബഹുഭൂരിപക്ഷം വരുന്ന സ്ത്രീകളും ഒരിക്കലെങ്കിലും നേരിട്ടിട്ടുണ്ടാവാൻ സാധ്യതയുള്ള മോശം അനുഭവങ്ങളെ ആസ്പദമാക്കിയാണ് എ ലൈവ് സ്റ്റോറി ഒരുക്കിയിരിക്കുന്നത്.

സംസ്ഥാന പുരസ്‌കാര ജേതാവായ പൊളി വിത്സൺ, പ്രജോദ് കലാഭവൻ, മെറീന മൈക്കിൾ, ഹിലാൽ, അഞ്ജന അപ്പുക്കുട്ടൻ, അഭിരാമി എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്. സ്ത്രീകൾ നേരിടുന്ന വെല്ലുവിളികളെ ആക്ഷേപ ഹാസ്യ രൂപേണ അവതരിപ്പിക്കുകയാണ് ചിത്രത്തില്‍.