ഹിലരി ക്ലിന്റൺ ഇന്ത്യയിൽ

മൂന്ന് ദിവസത്തെ അനൗദ്യോഗിക സന്ദർശനത്തിനായി മുൻ യു എസ് സെക്രട്ടറി ഹിലരി ക്ലിന്റൺ ഇന്ത്യയിലെത്തി. മധ്യപ്രദേശിലെ ഇൻഡോറിലെത്തിയ ഹിലരി ജഹാസ് മഹൽ ഉൾപ്പെടെയുള്ള സ്ഥലങ്ങൾ സന്ദർശിച്ചു.

ഞായറാഴ്ചയാണ് ഹിലരി ക്ലിന്റൺ ഇൻഡോറിലെത്തിയത്. മധ്യപ്രദേശിലെ മണ്ഡുവിലെ പുരാതന കോട്ടയായ ജഹാസ് മഹൽ, പുരാതന മസ്ജിദുകൾ, ജൈന ക്ഷേത്രങ്ങൾ തുടങ്ങിയവ ഹിലരി ക്ലിന്റൺ സന്ദർശിച്ചു.

ഇത്തവണ അനൗദ്യോഗിക സന്ദർശനമായതിനാൽ ഔദ്യോഗിക കൂടിക്കാഴ്ചകളൊന്നുമുണ്ടായില്ല. സന്ദർശനം ഇന്ന് അവസാനിക്കും.