ആശുപത്രിയിൽ അഗ്‌നിബാധ: 33 രോഗികളെ രക്ഷപ്പെടുത്തി

മഹാരാഷ്ട്രയിലെ ഔറംഗാബാദ് ജില്ലയിൽ സ്വകാര്യ ആശുപത്രിയിൽ വൻ തീപിടുത്തം. അഗ്‌നിബാധയിൽ നിന്ന് 33 രോഗികളെയും അത്ഭുതകരമായി രക്ഷപ്പെടുത്തി.

മണിക് ആശുപത്രിയിൽ രാവിലെ പതിനൊന്ന് മണിയോടെയായിരുന്നു സംഭവം. ആശുപത്രി കെട്ടിടത്തിൻറെ താഴത്തെ നിലയിലാണ് തീ കണ്ടത്. പിന്നീട് തീ മുകളിലെ നിലകളിലേക്ക് പടരുകയായിരുന്നു.

ആശുപത്രി ജീവനക്കാർ അടിയന്തരമായി ഇടപെട്ടത് മൂലം വൻ ദുരന്തമാണ് ഒഴിവായത്. ഒരു മണിക്കൂർ നീണ്ട പരിശ്രമത്തിനൊടുവിലാണ് തീ അണച്ചത്.

തീപിടുത്തത്തിന് കാരണം എന്താണെന്ന് ഇതു വരെ വ്യക്തമായിട്ടില്ല.