ജമാഅത്ത് ഉദ്ദവ അടക്കമുള്ള സംഘടനകളെ നിരോധിക്കാന്‍ പാകിസ്ഥാന്‍

മുംബൈ ഭീകരാക്രമണത്തിന്‍റെ സൂത്രധാരൻ ഹാഫിസ് സയ്ദിന്‍റെ ജമാഅത്ത് ഉദ്ദവ അടക്കമുള്ള നിരവധി ഭീകര സംഘടനകളെ നിരോധിക്കാനൊരുങ്ങി പാക്കിസ്ഥാൻ. പാർലമെന്‍റിൽ ഇത് സംബന്ധിച്ച് ബില്ല് കൊണ്ടുവരാനുള്ള നീക്കം സർക്കാർ തുടങ്ങിയതായി ഡോണ്‍ പത്രം റിപ്പോർട്ട് ചെയ്തു. 1997ലെ ഭീകരവിരുദ്ധ നിയമത്തിന്‍റെ ചുവടുപിടിച്ചാണ് ബിൽ തയാറാക്കുന്നത്. ബിൽ രൂപീകരണത്തിൽ നിയമ മന്ത്രാലയവും സൈന്യവും സഹകരിക്കുന്നുണ്ടെന്നും റിപ്പോർട്ടിൽ പറയുന്നു. നേരത്തേ, അമേരിക്കയുടെ സമ്മർദത്തെ തുടർന്ന് ഹാഫിസ് സയ്ദിന്‍റെ സംഘടനയെ പാക്കിസ്ഥാൻ കരിന്പട്ടികയിൽ ഉൾപ്പെടുത്തിയിരുന്നു.

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top