നഷ്ടമായത് പത്രാധിപന്മാരുടെ പരമ്പരയിലെ കരുത്തുറ്റ കണ്ണിയെ : മുഖ്യമന്ത്രി

കേരളകൗമുദി ചീഫ് എഡിറ്റർ എംഎസ് രവിയുടെ വിയോഗത്തിൽ അനുശോചനം രേഖപ്പെടുത്തി മുഖ്യമന്ത്രി പിണറായി വിജയൻ. കൗമുദി പത്രാധിപന്മാരുടെ പരമ്പരയിലെ കരുത്തുറ്റ കണ്ണിയായിരുന്നു എംഎസ് രവിയെന്ന് മുഖ്യമന്ത്രി അനുശോചിച്ചു.

മലയാള പത്രപ്രവർത്തന രംഗത്ത് വലിയ സംഭാവനകൾ നൽകിയ രവിയെ തേടി അംഗീകാരങ്ങളും എത്തി. സാമൂഹ്യ സാംസ്‌കാരിക രംഗങ്ങളിലും സജീവ സാനിധ്യമായിരുന്നു. അദ്ദേഹത്തിന്റെ നിര്യാണത്തിൽ കുടുംബാംഗങ്ങൾക്കുണ്ടായ ദുഃഖത്തിൽ പങ്ക് ചേരുന്നതായും മുഖ്യമന്ത്രി പറഞ്ഞു.