ലിഗയുടെ ദുരൂഹ മരണം; കൂടുതല്‍ അന്വേഷണം ആവശ്യപ്പെടുമെന്ന് സഹോദരി എല്‍സ

വിദേശ വനിത ലിഗയുടെ ദുരൂഹ മരണത്തില്‍ കൂടുതല്‍ അന്വേഷണം ആവശ്യപ്പെടുമെന്ന് ലിഗയുടെ സഹോദരി എല്‍സ. ഉന്നതതല അന്വേഷണം ആവശ്യപ്പെട്ട് മുഖ്യമന്ത്രിയെ നേരില്‍ കാണും സത്യം തെളിയുന്നതു വരെ കേരളം വിട്ടുപോകില്ലെന്നും എല്‍സ പറഞ്ഞു. മൃതദേഹം കണ്ടെത്തിയ വാഴമുട്ടത്ത് എല്‍സ സ്വന്തം നിലക്ക് അന്വേഷണം നടത്തി. മൃതദേഹത്തില്‍ നിന്നും കിട്ടിയ ജാക്കറ്റും ചെരിപ്പും കേന്ദ്രീകരിച്ചാണ് അന്വേഷണം. രണ്ടും ലിഗയുടേതല്ലെന്ന് എല്‍സ സ്ഥിരീകരിച്ചിരുന്നു. പീഡനത്തിന് ഇരയായിട്ടുണ്ടോ എന്ന് ശാസ്ത്രീയ പരിശോധനയിലൂടെയെ ഉറപ്പാക്കാനാകൂ. പോസ്റ്റ്‌മോര്‍ട്ടം റിപ്പോര്‍ട്ടും ഡിഎന്‍എ-ഫോറന്‍സിക് റിപ്പോര്‍ട്ടുകളും നാളെ ലഭിക്കും.