പ്രേമം ഹിന്ദിയിലേക്ക്, ജോര്‍ജ്ജായി എത്തുന്നത് ഈ ബോളിവുഡ് താരം

മലയാളത്തിലെ ഹിറ്റി ചിത്രം പ്രേമം ബോളിവുഡിലും എത്തുന്നു. ജോര്‍ജ്ജും മലരും ആരായിരിക്കുമെന്നതാണ് എല്ലാവരും ആകാംക്ഷയോടെ കാത്തിരിക്കുന്നത്. അര്‍ജ്ജുന്‍ കപൂറാണ് നിവിന്‍ പോളിയുടെ ജോര്‍ജ്ജെന്ന കഥാപാത്രത്തെ അവതരിപ്പിക്കുകയെന്നാണ് സൂചന. അഭിഷേക് കപൂറാണ് ചിത്രം ഹിന്ദിയില്‍ ഒരുക്കുന്നത്. മലര്‍ മിസ്സായി സായി പല്ലവിയെ തന്നെ എത്തിക്കാനാണ് അണിയറ പ്രവര്‍ത്തകരുടെ ശ്രമം. തമിഴ്നാട്ടിലും പ്രേമം വിജയകരമായി ഓടിയിരുന്നു. എന്നാല്‍ തെലുങ്കിലേക്ക് റീമേക്ക് ചെയ്ത ചിത്രം ശ്രദ്ധിക്കപ്പെട്ടില്ല. പോരാത്തതിന് മലയാളത്തിലെ സീനുകളും തെലുങ്കിലെ അതെ സീനുകളും എടുത്ത് വലിയ ട്രോളുകളും സോഷ്യല്‍ മീഡിയയില്‍ വന്നിരുന്നു.