പോളിറ്റ് ബ്യൂറോയില്‍ എസ്. രാമചന്ദ്രന്‍ പിള്ള തുടരും

സിപിഎം പോളിറ്റ് ബ്യൂറോയില്‍ അംഗമായി കേരളത്തില്‍ നിന്നുള്ള എസ്. രാമചന്ദ്രന്‍ പിള്ള തുടരും. 17 അംഗ പോളിറ്റ് ബ്യൂറോയില്‍ എസ്. രാമചന്ദ്രന്‍ പിള്ള തുടരുമെന്ന് ജനറല്‍ സെക്രട്ടറി സീതാറാം യെച്ചൂരി അറിയിച്ചു. എ.കെ. പത്മനാഭനെ പോളിറ്റ് ബ്യൂറോയില്‍ നിന്ന് ഒഴിവാക്കി. രാമചന്ദ്രന്‍ പിള്ളയ്ക്ക് പ്രായപരിധിയില്‍ ഇളവ് നല്‍കി കമ്മിറ്റിയില്‍ തുടരാന്‍ അനുവദിക്കണമെന്ന് കാരാട്ട് പക്ഷം നേരത്തേ വാദിച്ചിരുന്നു. ജനറല്‍ സെക്രട്ടറിയായി സീതാറാം യെച്ചൂരിയെ രണ്ടാം തവണയും തിരഞ്ഞെടുത്തിട്ടുണ്ട്.