മൂന്ന് റെക്കോര്‍ഡുകള്‍; നന്ദി പറഞ്ഞ് പക്രു

മൂന്ന് റെക്കോര്‍ഡുകള്‍ സ്വന്തമാക്കിയ നടന്‍ ഗിന്നസ് പക്രു ആരാധകരോട് നന്ദി പറഞ്ഞ് ഫെയ്സ് ബുക്ക് ലൈവില്‍. ഏറ്റവും ഉയരം കുറഞ്ഞ സിനിമാ സംവിധായകനുള്ള മൂന്ന് റെക്കോര്‍ഡുകളാണ് കഴിഞ്ഞ ദിവസം ഗിന്നസ് പക്രു സ്വന്തമാക്കിയത്. യൂണിവേഴ്സല്‍ റെക്കോര്‍ഡ് ഫോറം, ലിംക ബുക്ക് ഓഫ് റെക്കോര്‍ഡ്സ്, ബെസ്റ്റ് ഓഫ് ഇന്ത്യ എന്നീ മൂന്ന് റെക്കോര്‍ഡുകളിലാണ് ഗിന്നസ് പക്രു സ്വന്തം പേര് എഴുതി ചേര്‍ത്തത്. നിലവില്‍ ഏറ്റവും ഉയരം കുറഞ്ഞ നായകന്‍ എന്ന റെക്കോര്‍ഡ് പക്രുവിനൊപ്പം ഉള്ളത്.
2013ല്‍ പുറത്തിറങ്ങിയ കുട്ടീം കോലും എന്ന ചിത്രം സംവിധാനം ചെയ്തതിനാണ് പുരസ്കാരം. ലിംക ബുക്ക് ഓഫ് റെക്കോര്‍ഡ് അവാര്‍ഡാണ് ഇക്കൂട്ടത്തില്‍ ആദ്യം നേടിയത്.