ശ്രീജിത്തിന്റെ കസ്റ്റഡി മരണം; അന്വേഷണം വേണ്ട വിധത്തില്‍ നടക്കുന്നില്ലെന്ന് ഹൈക്കോടതി

‍ വരാപ്പുഴയില്‍ ശ്രീജിത്തിന്റെ കസ്റ്റഡി മരണക്കേസിൽ അന്വേഷണം വേണ്ട വിധത്തില്‍ അല്ല നടക്കുന്നതെന്ന് ഹൈക്കോടതി. കേസ് സിബിഐ അന്വേഷിക്കണമെന്ന ഹർജി പരിഗണിക്കവേയാണ് ഹൈക്കോടതിയുടെ വാക്കാൽ പരാമർശം . കേസിൽ കോടതി സർക്കാരിന്റേയും സിബിഐ യുടേയും നിലപാട് തേടി .അന്വേഷണം തൃപ്തികരമല്ലന്നും കസ്റ്റഡി മരണങ്ങൾ ബാഹ്യ ഏജൻസികൾ അന്വേഷിക്കണമെന്ന് സുപ്രീം കോടതിയുടെ തന്നെ നിർദേശമുണ്ടന്നും ഹർജി ഭാഗം ബോധിപ്പിച്ചു. കേസ് മെയ് 4നു കോടതി പരിഗണിക്കും