അശ്വതി ജ്വാല ഇന്ന് ഹാജരാകേണ്ടതില്ലെന്ന് പോലീസ്

സാമൂഹ്യ പ്രവര്‍ത്തക അശ്വതി ജ്വാലയ്‌ക്കെതിരായ സാമ്പത്തിക തട്ടിപ്പ് ആരോപണത്തില്‍ അശ്വതി ജ്വാല ഇപ്പോള്‍ പോലീസിന് മുന്‍പില്‍ ഹാജരാകേണ്ടതില്ലെന്ന് പോലീസ്. നോട്ടീസ് ലഭിച്ച ശേഷം ഹാജരായാല്‍ മതിയെന്ന് പോലീസ് അറിയിച്ചു. ദുരൂഹ സാഹചര്യത്തില്‍ മരണപ്പെട്ട വിദേശ വനിത ലിഗയുടെ കുടുംബത്തെ സഹായിക്കാന്‍ അശ്വതി ജ്വാല പണപ്പിരിവ് നടത്തിയതില്‍ അന്വേഷണം നടത്തണമെന്നായിരുന്നു പരാതി. ഡിജിപിക്ക് ലഭിച്ച പരാതിയെ തുടര്‍ന്നാണ് നിജസ്ഥിതി അന്വേഷിക്കാന്‍ ഐജി മനോജ് എബ്രഹാമിനെ ചുമതലപ്പെടുത്തിയത്. അതേസമയം കേസെടുത്തിട്ടില്ലെന്നും പൊലീസ് വ്യക്തമാക്കിയിരുന്നു.