നെയ്യാറ്റിൻകരയിൽ ഇന്ന് ഹർത്താൽ

നെയ്യാറ്റിൻകരയിൽ ഇന്ന് ഹർത്താൽ. നെയ്യാറ്റിൻകര താലൂക്കിനെ നെടുമങ്ങാട് റവന്യൂ ഡിവിഷനിൽ ഉൾപ്പെടുത്തിയതിൽ പ്രതിഷേധിച്ചാണ് ജില്ലാ കോൺഗ്രസ് കമ്മിറ്റി ഇന്ന് ഹർത്താൽ ആഹ്വാനം ചെയ്തിരിക്കുന്നത്. താലൂക്ക് പ്രദേശത്ത് രാവിലെ ആറ് മുതൽ വൈകിട്ട് ആറുവരെ ആഹ്വാനം ചെയ്ത ഹർത്താലിന്റെ ഭാഗമായി അനുകൂലികൾ വാഹനങ്ങൾ തടയുന്നുണ്ട്.

താലൂക്ക് പ്രദേശത്തെ കെഎസ്ആർടിസി ഡിപ്പോകളിൽനിന്ന് സർവ്വീസ് നടത്താൻ അുവദിക്കില്ലെന്നാണ് കോൺഗ്രസ് നേതൃത്വം അറിയിച്ചത്. അന്തർസംസ്ഥാന സർവ്വീസുകൾ തടയില്ലെന്നും എന്നാൽ ഈ സർവ്വീസുകളെ താലൂക്കിലെ ഡിപ്പോകളിൽ കയറാൻ അനുവദിക്കില്ലെന്നുമാണ് തീരുമാനം.

hartal at neyyattinkara