ചര്‍ച്ചകള്‍ ആരംഭിച്ചു; ജെഡിഎസിന്റെ പിന്തുണ തേടി കോണ്‍ഗ്രസ്

വ്യക്തമായ ഭൂരിപക്ഷമില്ലാതെ വരുന്ന സാഹചര്യത്തില്‍ കര്‍ണാകയില്‍ അധികാരം പിടിക്കാന്‍ ജെഡിഎസിന്റെ പിന്തുണ ആവശ്യമാണ്. ഈ സാഹചര്യത്തില്‍ ജെഡിഎസിന്റെ പിന്തുണ തേടി കോണ്‍ഗ്രസ് നേതൃത്വം ചര്‍ച്ചകള്‍ നടത്തിയതായി സൂചനകള്‍. കോണ്‍ഗ്രസ് നേതാവ് ഗുലാം നബി ആസാദ് കര്‍ണാടകത്തില്‍ എത്തി ജെഡിഎസ് നേതാക്കളുമായി ചര്‍ച്ച നടത്തിയതായി റിപ്പോര്‍ട്ടുകള്‍. നിലവില്‍ 41 ഓളം സീറ്റുകളിലാണ് ജെഡിഎസ് മുന്നേറ്റം നടത്തുന്നത്. പോസ്റ്റല്‍ വോട്ടുകളാണ് ഇപ്പോള്‍ എണ്ണുന്നത്.