തെന്മലയില്‍ പതിനാറുകാരിയെ കൂട്ടബലാത്സംഗം ചെയ്തു

തെന്മലയ്ക്കടുത്ത് പതിനാറുകാരിയെ കൂട്ട ബലാത്സംഗം ചെയ്തു. സംഭവത്തിൽ ഒരാളെ കുളത്തൂപ്പുഴ പോലീസ് അറസ്റ്റ് ചെയ്തിട്ടുണ്ട്. പ്രതികളെന്ന് സംശയിക്കുന്ന അഞ്ച് പേര്‍ക്കായി പോലീസ് അന്വേഷണം ആരംഭിച്ചിട്ടുണ്ട്.

കേരളം-തമിഴ്നാട് അതിർത്തിയിലെ ഒരു ഫാമിൽ ജോലി ചെയ്യുകയായിരുന്ന പെൺകുട്ടിയെയാണ് പീഡിപ്പിച്ചത്. രണ്ട് ദിവസം മുൻപ് പെൺകുട്ടിയെ കാണാതായിരുന്നു. പരാതി ലഭിച്ചതിനെ തുടർന്ന് അന്വേഷണം നടത്തിയ പോലീസ് പെൺകുട്ടിയെ കണ്ടെത്തിയപ്പോൾ ആണ്കൂട്ടമാനഭം​ഗത്തിനിരയായതായി തിരിച്ചറിഞ്ഞത്. വൈദ്യപരിശോധനയിൽ പീഡനം സ്ഥിരീകരിച്ചിട്ടുണ്ട്.