രസകരമായ പേരുമായി മമ്മൂട്ടി- ഖാലിദ് റഹ്മാന്‍ ചിത്രം; ഷൂട്ടിംഗ് സെപ്റ്റംബറില്‍ ആരംഭിക്കും

ഖാലിദ് റഹ്മാന്‍ മമ്മൂട്ടിയെ നായകനാക്കി സംവിധാനം ചെയ്യുന്ന ചിത്രമാണ് ‘ഉണ്ട’. സിനിമയുടെ ഷൂട്ടിംഗ് സെപ്റ്റംബറില്‍ തുടങ്ങും. ഷൈജു ഖാലിദ് ഛായാഗ്രഹണം നിര്‍വഹിക്കുന്ന ചിത്രത്തിന് ഹര്‍ഷാദ് ആണ് തിരക്കഥയൊരുക്കുന്നത്. അന്‍വര്‍ റഷീദ് ആണ് നിര്‍മാണം. ഈ സിനിമയിലൂടെ വീണ്ടും മമ്മൂട്ടി പോലീസ് ഓഫീസറാവാന്‍ ഒരുങ്ങുകയാണെന്നാണ് ഏറ്റവും പുതിയ റിപ്പോര്‍ട്ടുകള്‍. ചിത്രത്തിന്റെ പ്രധാന ലൊക്കേഷന്‍ നോര്‍ത്ത് ഇന്ത്യയായിരിക്കും. ‘അനുരാഗ കരിക്കിന്‍ വെള്ളം’ എന്ന സൂപ്പര്‍ഹിറ്റ് ചിത്രത്തിന്റെ സംവിധായകനാണ് ഖാലിദ് റഹ്മാന്‍.