വരാണസിയിൽ യുവതിയെ പീഡിപ്പിച്ച ബിജെപി എംഎൽഎ അറസ്റ്റിൽ

വരാണസിയിൽ യുവതിയെ വിളിച്ചുവരുത്തി പീഡിപ്പിച്ച സംഭവത്തിൽ ബിജെപി എംഎൽഎ അറസ്റ്റിൽ. ലോഡ്ജിലേക്ക് വന്നാൽ വനിതാ ഓഫീസറുമായി കൂടിക്കാഴ്ച തരപ്പെടുത്തി തരാമെന്ന് വാഗ്ദാനം ചെയ്താണ് ബിജെപി നേതാവ് കനയ്യലാൽ മിശ്ര പീഡിപ്പിച്ചതെന്ന് യുവതി പറഞ്ഞു.

ജോലിയുമായി ബന്ധപ്പെട്ട് നേരത്തെ നിരവധി തവണ കനയ്യലാലിനെ യുവതി ഫോൺ ചെയ്തിരുന്നു. തുടർന്നാണ് സർക്കാർ ജീവനക്കാരിയെ പരിചയപ്പെടുത്തി തരാമെന്ന് പറഞ്ഞ് വിളിച്ചു വരുത്തിയത്. കനയ്യ ലാലിനെതിരെ കേസെടുത്തതായി പൊലീസ് പറഞ്ഞു.

റൂമിലേക്ക് കയറിയപ്പോൾ ഇയാൾ ആക്രമിക്കാൻ ശ്രമിച്ചതോടെ യുവതി ശബ്ദം വെച്ച് ആളെ കൂട്ടുകയായിരുന്നു. പിന്നീട് എമർജൻസി നമ്പറിൽ വിളിച്ച് അറിയിച്ചപ്പോൾ പൊലീസ് എത്തുകയായിരുന്നു.