കുമ്മനം രാജശേഖരൻ മിസോറാം ഗവർണ്ണർ

ബിജെപി സംസ്ഥാന അധ്യക്ഷന്‍ കുമ്മനം രാജശേഖരനെ മിസ്സോറാം ഗവറണറായി നിയമിച്ചു. ഇതുസംബന്ധിച്ച പത്രക്കുറിപ്പ് രാഷ്ട്രപതി ഭവൻ പുറത്ത് വിട്ടു. ബിജെപി ദേശീയ അധ്യക്ഷൻ അമിത് ഷായുടെ നേരിട്ടുള്ള നിർദേശ പ്രകാരണമാണ് ഗവർണർ പദവിയെന്നാണു സൂചന. നിലവിലെ ഗവർണ്ണർ ലെഫ്. ജനറൽ നിർഭയ് ശർമ്മ ഈ മാസം 25ന് കാലാവധി പൂർത്തിയാക്കും. കുമ്മനം ഗവർണ്ണറാകുന്നതോടെ ബിജെപി അധ്യക്ഷ സ്ഥാനത്തേക്ക് പുതിയ ആളെത്തും.

പ്രൊഫ.ഗണേഷി ലാലിനെ ഒഡീഷ ഗവര്‍ണറായും രാഷ്ട്രപതി നിയമിച്ചിട്ടുണ്ട്.