നിപ വൈറസ്; കേരളത്തിലേക്കുള്ള യാത്ര ഒഴിവാക്കണമെന്ന് ഖത്തര്
നിപ വൈറസ് പടരുന്ന സാഹചര്യത്തിൽ കേരളത്തിലേക്കുള്ള യാത്രകൾ ഒഴിവാക്കണമെന്ന് ഖത്തർ. ഖത്തർ ആരോഗ്യമന്ത്രാലയമാണ് മുന്നറിയിപ്പ് നൽകിയിരിക്കുന്നത്. കേരളത്തിൽനിന്നുള്ള പഴങ്ങൾക്കും പച്ചക്കറികൾക്കും ഖത്തർ വിലക്ക് ഏർപ്പെടുത്തിയിട്ടുണ്ട്.
നിപ വൈറസ് ഖത്തറിലേക്ക് പ്രവേശിക്കാതിരിക്കാൻ ആവശ്യമായ മുൻകരുതലുകൾ സ്വീകരിച്ചിട്ടുണ്ടെന്നും അധികൃതർ അറിയിച്ചു. സ്വദേശികളും വിദേശികളും കേരളത്തിലേക്കുള്ള യാത്ര ഒഴിവാക്കണമെന്നും കേരളത്തിൽനിന്നു ഖത്തറിലേക്കുള്ള യാത്രക്കാർ ആരോഗ്യകേന്ദ്രങ്ങളിൽനിന്നും ആവശ്യമായ പരിശോധനകൾ നടത്തണമെന്നും ആരോഗ്യവകുപ്പ് അറിയിച്ചു.
പനി, തലവേദന തുടങ്ങിയ രോഗലക്ഷണങ്ങൾ ഉള്ളവർ ഉടൻ ചികിത്സതേടണമെന്നും ആരോഗ്യമന്ത്രാലയം നിർദേശം നൽകി.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here