ബിജെപി സംസ്ഥാന അധ്യക്ഷനെ ഇന്ന് പ്രഖ്യാപിക്കില്ല

ബിജെപി സംസ്ഥാന അധ്യക്ഷനെ ഇന്ന് പ്രഖ്യാപിക്കില്ല. പുതിയ സംസ്ഥാന അധ്യക്ഷനെ കേന്ദ്ര നേതൃത്വം പിന്നീട് പ്രഖ്യാപിക്കുമെന്ന് ബിജെപി ജനറല്‍ സെക്രട്ടറി എച്ച്. രാജ വിശദമാക്കി. ഇക്കാര്യത്തില്‍ അന്തിമ തീരുമാനം കേന്ദ്ര നേതൃത്വത്തിന്റേതായിരിക്കും. കേരളത്തിലെ നേതാക്കളുമായി കേന്ദ്ര നേതാക്കള്‍ കൂടിയാലോചന നടത്തുക മാത്രമാണ് ഇന്ന് ചെയ്യുന്നത്. സംസ്ഥാന നേതാക്കളുടെ അഭിപ്രായങ്ങളെ ക്രോഡീകരിച്ച് കേന്ദ്ര നേതൃത്വം ഏറ്റവും ഉചിതമായ തീരുമാനം അടുത്ത ദിവസങ്ങളില്‍ കൈക്കൊള്ളുമെന്നും എച്ച്. രാജ വ്യക്തമാക്കി.