പോലീസ് വാഹനം പൂജിച്ച സംഭവം അന്വേഷിക്കാൻ ഡിജിപിയുടെ നിർദ്ദേശം

പോലീസ് വാഹനം ക്ഷേത്രത്തിലെത്തിച്ച് പൂജിച്ച സംഭവം അന്വേഷിക്കാൻ ഡിജിപി ലോക്‌നാഥ് ബെഹ്‌റയുടെ നിർദ്ദേശം. കോഴിക്കോട് സിറ്റി പോലീസ് കമ്മീഷണർ കാളിരാജ് മഹേഷ് കുമാറിനാണ് നിർദ്ദേശം നൽകിയത്.രണ്ട് ദിവസത്തിനകം റിപ്പോർട്ട് നൽകണം.

കോഴിക്കോട് സിറ്റി പോലീസിന്റെ കൺട്രോൾ റൂമിലേക്ക് നൽകിയ പുതിയ വാഹനം ക്ഷേത്രത്തിൽ കൊണ്ടുപോയി പൂജിച്ച് പുറത്തിറക്കിയത് കഴിഞ്ഞ ദിവസമാണ്. പോലീസുകാരുടെ വാട്ട്‌സാപ്പ് ഗ്രൂപ്പിൽ ദ്യശ്യങ്ങൾ വന്നതോടെ സംഭവം വിവാദമായി. ഇതേത്തുടർന്നാണ് ഡിജിപി ലോക്‌നാഥ് ബെഹ്‌റ സിറ്റി പോലീസ് കമ്മീഷണർ കാളിരാജ് മഹേഷ് കുമാറിനോട് റിപ്പോർട്ട് തേടിയത്.