നടി ആക്രമിക്കപ്പെട്ട കേസ്; സിബിഐ അന്വേഷണം ആവശ്യപ്പെട്ടുള്ള ഹര്‍ജിയില്‍ ഹൈക്കോടതി നോട്ടീസ് അയച്ചു

നടി ആക്രമിക്കപ്പെട്ട കേസില്‍ സിബിഐ അന്വേഷണം ആവശ്യപ്പെടുള്ള ദിലീപിന്റെ ഹര്‍ജിയില്‍ സിബിഐയോടും സര്‍ക്കാരിനോടും നിലപാട് അറിയിക്കാന്‍ കോടതി ആവശ്യപ്പെട്ടു. ഇന്ന് കേസ് പരിഗണിച്ചപ്പോഴായിരുന്നു കോടതിയുടെ നിര്‍ദേശം. കോടതി സിബിഐയ്ക്കും സര്‍ക്കാരിനും നോട്ടീസ് അയച്ചിട്ടുണ്ട്.

എന്നാല്‍, ദിലീപിന്റെ സിബിഐ അന്വേഷണം ആവശ്യമാണെന്ന ഹര്‍ജിയെ സര്‍ക്കാര്‍ എതിര്‍ത്തു. ഇന്ന് കോടതിയില്‍ നിലപാട് വ്യക്തമാക്കിയപ്പോഴാണ് ദിലീപിന്റെ ഹര്‍ജിയെ സര്‍ക്കാര്‍ ശക്തമായി എതിര്‍ത്തത്. സിബിഐ അന്വേഷണം ആവശ്യപ്പെടുള്ള ദീലീപിന്റെ ഹര്‍ജി കേസിന്റെ വിചാരണ വൈകിപ്പിക്കാനുള്ള ശ്രമത്തിന്റെ ഭാഗമായാണെന്ന് പ്രോസിക്യൂഷന്‍ കോടതിയില്‍ വ്യക്തമാക്കി.