27 കോടിയുടെ നിരോധിത മയക്കുമരുന്നുമായി ബിജെപി നേതാവ് അറസ്റ്റിൽ

27 കോടിയുടെ നിരോധിത മയക്കുമരുന്നുമായി ബിജെപി നേതാവ് അറസ്റ്റിൽ. ബിജെപി നേതാവും മണിപ്പൂർ ചാന്ദൽ ജില്ലയിലെ സ്വയം ഭരണ കൗൺസിൽ ചെയർമാനുമായ ലക്കോസി സോ ഉൾപ്പെടെയുള്ള സംഘമാണ് നാർക്കോട്ടിക്‌സ് സംഘത്തിന്റെ പിടിയിലായത്. ബിജെപി നേതാവ് ഉൾപ്പെടെ ഏഴ് പേരാണ് പിടിയിലായത്.

4.5 കിലോ ഹെറോയിൻ, 28 കിലോഗ്രാം മയക്കുമരുന്ന് ഗുളിക, 57.18 ലക്ഷം രൂപ, 95,000 രൂപയുടെ നിരോധിച്ച നോട്ടുകളും, രണ്ട് തോക്കുകളും, രണ്ട് തോക്ക് ലൈസൻസ് ബുക്കുകൾ, എട്ട് പാസ്ബുക്കുകൾ എന്നിവയാണ് പിടിയിലായവരിൽ നിന്നും പിടിച്ചെടുത്തത്.