പോലീസ് ഡ്രൈവർ ഗവാസ്‌ക്കറെ മർദ്ദിച്ച കേസ്; കേസ് അട്ടിമറിക്കാൻ വാഹനരേഖകളിൽ തിരുത്തൽ വരുത്തി

പോലീസ് ഡ്രൈവർ ഗവാസ്‌ക്കറെ എഡിജിപി സുദേഷിന്റെ മകൾ സ്‌നിഗ്ദ മർദ്ദിച്ചെന്ന കേസിൽ വാഹനമോടിച്ചത് ഗവാസ്‌ക്കറല്ലെന്ന് വരുത്താൻ ശ്രമം. ഇതിന്റെ ഭാഗമായി വാഹനരേഖകളിൽ തിരുത്തൽ വരുത്തി. എഡിജിപിയുടെ മകൾക്കെതിരായ കേസ് അട്ടിമറിക്കാനാണ് നീക്കം.

നേരത്തെ തന്നെ ആക്രമിക്കാൻ ശ്രമിച്ചപ്പോഴാണ് മർദ്ദിച്ചതെന്ന് സ്‌നിഗ്ദ ഹൈക്കോടതിയിൽ നൽകിയ ഹർജിയിൽ പറഞ്ഞിരുന്നു. എന്നാൽ സ്‌നിഗ്ധയ്ക്ക് പരിക്കൊന്നുമില്ലെന്നും എക്‌സറേ എടുക്കാൻ വിസമ്മതിച്ചുവെന്നും ഡോക്ടറുടെ മൊഴിയിൽ പറയുന്നുണ്ട്.