വീടിന്റെ വരാന്തയിൽ ഉറങ്ങിക്കിടന്ന നാലു വയസ്സുകാരിയെ തട്ടിക്കൊണ്ടുപോയി പീഡിപ്പിച്ചു

മധ്യപ്രേദേശിലെ സത്‌ന ജില്ലയിൽ നാല് വയസ്സുകാരിയെ ബലാത്സംഗം ചെയ്ത് വിജനമായ സ്ഥലത്ത് ഉപേക്ഷിച്ച നിലയിൽ കണ്ടെത്തി. സംഭവത്തിൽ ഇരുപത്തിമൂന്നുകാരനായ മഹേന്ദ്രസിംഗിനെ പൊലീസ് അറസ്റ്റ് ചെയ്തു.
വീടിന്റെ വരാന്തയിൽ ഉറങ്ങിക്കിടക്കുകയായിരുന്ന കുട്ടിയെ മഹേന്ദ്രസിംഗ് തട്ടിക്കൊണ്ടുപോകുകയായിരുന്നു.

പീഡനത്തിന് ശേഷം കുട്ടി മരിച്ചെന്നുകരുതി ആളൊഴിഞ്ഞ സ്ഥലത്ത് ഉപേക്ഷിക്കുകയായിരുന്നു. കുട്ടിയെ കാണാതായതോടെ മാതാപിതാക്കളും നാട്ടുകാരും അന്വേഷിച്ചിറങ്ങി. അന്വേഷണത്തിലാണ് കുട്ടിയെ കണ്ടെത്തുന്നത്. ഗുരുതരാവസ്ഥയിൽ കണ്ടെത്തിയ കുട്ടിയെ ആശുപത്രിയിൽ പ്രവേശിപ്പിച്ചിട്ടുണ്ട്.