പടക്ക ഗോഡോണിൽ പൊട്ടിത്തെറി; 11 മരണം

തെലങ്കാന വാറങ്കലിൽ പടക്ക ഗോഡൗണിൽ ഉണ്ടായ പൊട്ടിത്തെറിയിൽ പതിനൊന്നുപേർ മരിച്ചു. സ്ഥലത്തുണ്ടായിരുന്നവരെ ഗുരുതര പരിക്കുകളോടെ വിവിധ ആശുപത്രികളിലായി പ്രവേശിപ്പിച്ചിരിക്കുകയാണ്.

വാറങ്കൽ കോട്ടി ലിംഗാള ക്ഷേത്രത്തിന് സമീപമുള്ള ഭദ്രകാളി ഫയർ വർക്‌സിൻറെ ഗോഡൗണിലാണ് പൊട്ടിത്തെറി ഉണ്ടായത്.

അപകടം നടക്കുമ്പോൾ പതിനഞ്ചോളം പേർ സംഭവസ്ഥലത്ത് ഉണ്ടായിരുന്നതായി പൊലീസ് സൂചിപ്പിച്ചു. വലിയ പൊട്ടിത്തെറിക്ക് ശേഷമാണ് തീപിടിത്തമുണ്ടായതെന്ന് ദൃക്‌സാക്ഷികൾ പറഞ്ഞു.