ജാര്‍ഖണ്ഡില്‍ യുവാവ് അധ്യാപികയുടെ തലയറുത്തു

ജാര്‍ഖണ്ഡില്‍ യുവാവ് അധ്യാപികയുടെ തലയറുത്തു. മാനസികാസ്വാസ്ഥ്യമുള്ള യുവാവാണ് അറുംകൊല ചെയ്തത്. ജാർഖണ്ഡിലെ ശ്രായികേലാ–ഖർസ്വാൻ ജില്ലയിലെ പ്രൈമറി സ്കൂളിനു സമീപത്താണ് സംഭവം. ഇതിന് സമീപത്ത് താമസിക്കുന്ന ഹരി ഹെമ്പറാം എന്ന യുവാവ് സ്ക്കൂളിലെ ഇടവേള സമയത്ത് അധ്യാപികയെ വീട്ടിലേക്ക് വലിച്ചിഴച്ച് കൊണ്ട് പോയി തലയറുക്കുകയായിരുന്നു. അറുത്ത തലയുമായി യുവാവ് കാട്ടില്‍ കിലോമീറ്ററുകളോളം ഓടി. പിടിക്കാന്‍ ശ്രമിച്ച നാട്ടുകാരെ ഇയാള്‍ വാളുവീശി ഓടിച്ചു. ഒടുവില്‍ പോലീസ് എത്തി ബലംപ്രയോഗിച്ച് കീഴ്പ്പെടുത്തുകയായിരുന്നു. ഇയാളെ ജംഷഡ്പൂരിലെ മാനസികാരോഗ്യ കേന്ദ്രത്തില്‍ പ്രവേശിപ്പിച്ചിരിക്കുകയാണ്.