ഉത്തര്‍പ്രദേശില്‍ യുവതിയെ തട്ടിക്കൊണ്ട് പോയി പീഡിപ്പിച്ച കേസില്‍ രണ്ട് പേര്‍ അറസ്റ്റില്‍

ഉത്തര്‍ പ്രദേശില്‍ ആറ് പേര്‍ ചേര്‍ന്ന് യുവതിയെ കൂട്ട ബലാത്സംഗം ചെയ്ത സംഭവത്തില്‍ രണ്ട് പേര്‍ അറസ്റ്റില്‍. ഉന്നാവോയിലാണ് സംഭവം. പീഡിപ്പിച്ചതിന് ശേഷം ഇവര്‍ തന്നെയാണ് വീഡിയോ പ്രചരിപ്പിച്ചത്. സംഭവത്തില്‍ രാഹുല്‍, ആകാശ് എന്നിവരാണ് അറസ്റ്റിലായത്. ഗംഗാഘട്ട് പോലീസാണ് ഇവരെ അറസ്റ്റ് ചെയ്തത്. ആറ് പേരാണ് വീഡിയോയില്‍ ഉള്ളത്. ഇവരെ കണ്ടെത്താന്‍ പോലീസ് അന്വേഷണം ഊര്‍ജ്ജിതമാക്കിയിട്ടുണ്ട്. ആറ് പേര്‍ ചേര്‍ന്ന് കുട്ടിയെ വലിച്ചിഴയ്ക്കുന്ന വീഡിയോയാണ് ഇപ്പോള്‍ പുറത്ത് വന്നിരിക്കുന്നത്. തന്നെ ഒന്നും ചെയ്യരുതെന്ന് പെണ്‍കുട്ടി യാചിക്കുന്നതും വീഡിയോയില്‍ ഉണ്ട്.