ജിഎന്‍പിസിയ്ക്ക് അഡ്മിന് എതിരെ എക്സൈസ് കേസെടുത്തു; അഡ്മിന്‍ ദമ്പതികള്‍ ഒളിവില്‍

‘ഗ്ലാസിലെ നുരയും പ്ലേറ്റിലെ കറിയും’ എന്ന ഫെയ്സ്ബുക്ക് ഗ്രൂപ്പിന്റെ അഡ്മിന് എതിരെ എക്സൈസ് വിഭാഗം കേസ് എടുത്തു. മദ്യപാനത്തിനു പ്രോത്സാഹനം നൽകുന്ന തരത്തിലുള്ളതും, പരസ്യ പ്രചാരണം നടത്തുന്നതുമായ ഫെയ്സ്ബുക് പോസ്റ്റുകളുടെ അടിസ്ഥാനത്തിലാണ് കേസ്. ഗ്രൂപ്പിന്റെ അഡ്മിന്‍മാരായ തിരുവനന്തപുരം സ്വദേശി അജിത് കുമാറും ഭാര്യ വിനീതയും ഒളിവിലാണ്. ഗ്രൂപ്പിന്റെ മറ്റ് 36 അഡ്മിന്മാരെ കുറിച്ചും എക്സൈസ് അന്വേഷണം നടത്തുന്നുണ്ട്. മണ്ണന്തല എക്‌സൈസ് ഓഫിസിനാണ് അന്വേഷണ ചുമതല.