മലബാര്‍ ഗോള്‍ഡില്‍ നിന്ന് രണ്ട് കോടിയുടെ സ്വര്‍ണ്ണവുമായി മാനേജര്‍ മുങ്ങി

മലബാര്‍ ഗോള്‍ഡില്‍ നിന്ന് രണ്ട് കോടിയുടെ സ്വര്‍ണ്ണവുമായി സെയില്‍സ് മാനേജര്‍ മുങ്ങി. കൊല്ലം ആര്‍.പി മാളില്‍ പ്രവര്‍ത്തിക്കുന്ന മലബാര്‍ ഗോള്‍ഡ് ജ്വല്ലറിയിലാണ് സംഭവം. എട്ട് വര്‍ഷമായി കൊല്ലത്തെ ഷോറൂമിൽ സെയില്‍സ് മാനേജരായി ജോലി ചെയ്‌തിരുന്ന കണ്ണൂര്‍ സ്വദേശിയാണ് സ്വര്‍ണവുമായി കടന്നത്. വെള്ളിയാഴ്ച മുതലാണ് ഇയാളെ കാണാതായത്. കുറച്ചുനാളുകള്‍ കൊണ്ടാണ് ഇയാള്‍ സ്വര്‍ണ്ണം കടത്തിയതെന്ന് സംശയിക്കുന്നു. ആളെ കാണാതായതോടെ സ്റ്റോക്ക് പരിശോധിച്ചപ്പോഴാണ് കുറവ് കണ്ടെത്തിയത്. പോലീസില്‍ പരാതി നല്‍കിയിട്ടുണ്ട്.