ആന്ധ്രയിലും കേരളാ മോഡല്‍; കോണ്‍ഗ്രസ് പ്രവര്‍ത്തകര്‍ക്കൊപ്പം ബൈക്ക് റാലിയില്‍ ഉമ്മന്‍ചാണ്ടിയും

ആന്ധ്രാപ്രദേശിലെ കോണ്‍ഗ്രസിന്റെ ചുമതല വഹിക്കുന്ന എഐസിസി ജനറല്‍ സെക്രട്ടറി ഉമ്മന്‍ചാണ്ടി പാര്‍ട്ടി പ്രവര്‍ത്തനങ്ങളുമായി മുന്നോട്ട്.

കേരളാ മോഡല്‍ ബൈക്ക് റാലിയില്‍ ഉമ്മന്‍ചാണ്ടി പ്രവര്‍ത്തകര്‍ക്കൊപ്പം റോഡിലിറങ്ങി. ഓട്ടോയിലും ബൈക്കിലും എന്തിന് ചിലപ്പോഴൊക്കെ കാല്‍നടയായുമാണ് ഉമ്മന്‍ചാണ്ടി ആന്ധ്രയിലെ പാര്‍ട്ടി പ്രവര്‍ത്തനങ്ങളില്‍ പങ്കെടുക്കാനെത്തുന്നത്.

ജനങ്ങളിലേക്ക് മടങ്ങിച്ചെല്ലാനും ജനങ്ങളുമായി എപ്പോഴും ബന്ധപ്പെട്ടിരിക്കാനുമാണ് ഉമ്മന്‍ചാണ്ടി ആന്ധ്രയിലെ കോണ്‍ഗ്രസ് പ്രവര്‍ത്തകര്‍ക്ക് നല്‍കിയിരിക്കുന്ന ഉപദേശം.

സാധാരണ യാത്രകള്‍ക്ക് തനിക്ക് ആഡംബര വാഹനങ്ങള്‍ ഒരുക്കരുതെന്ന്‍ അദ്ദേഹം എ പി സി സിയ്ക്കും നിര്‍ദ്ദേശം നല്‍കിയിട്ടുണ്ട്.