ലോക്‌സഭാ തിരഞ്ഞെടുപ്പിന് മുമ്പ് രാമക്ഷേത്രത്തിന്റെ നിര്‍മാണം ആരംഭിക്കും: അമിത് ഷാ

2019 ലെ ലോക്‌സഭാ തിരഞ്ഞെടുപ്പിന് മുമ്പ് അയോധ്യയില്‍ രാമക്ഷേത്രത്തിന്റെ നിര്‍മാണം ആരംഭിക്കുമെന്ന് ബിജെപി ദേശീയ അധ്യക്ഷന്‍ അമിത് ഷാ. ഹൈദരാബാദില്‍ പാര്‍ട്ടി നേതാക്കളുടെ യോഗത്തിലാണ് അമിത് ഷായുടെ പ്രഖ്യാപനം. തിരഞ്ഞെടുപ്പ് നേരത്തേ നടക്കുമെന്ന പ്രചാരണവും യോഗത്തിനിടയില്‍ അമിത് ഷാ തള്ളി കളഞ്ഞു. അതോടൊപ്പം, സംസ്ഥാനത്ത് ബിജെപിയെ അധികാരത്തിലെത്തിക്കാന്‍ പാര്‍ട്ടി പ്രവര്‍ത്തകര്‍ക്ക് നിര്‍ദേശവും നല്‍കിയിട്ടുണ്ട്. കഴിഞ്ഞ ദിവസമാണ് തിരഞ്ഞെടുപ്പ് പ്രചാരണത്തിനായി അമിത് ഷാ തെലങ്കാനയിലെത്തിയത്.