ലാവോസിൽ അണക്കെട്ട് തകർന്നു; നൂറുകണക്കിന് പേരെ കാണാതായി

ലാവോസിൽ നിർമാണത്തിലിരുന്ന അണക്കെട്ട് തകർന്ന് നൂറുകണക്കിനു പേരെ കാണാതായി. നിരവധി പേർ മരിച്ചതായും റിപ്പോർട്ടുണ്ട്. ഷെ പിയാൻ നമ്‌നോയ് ഡാം ആണ് തകർന്നത്. അറ്റപെയ് പ്രവിശ്യയിൽ തിങ്കളാഴ്ച രാത്രിയുണ്ടായ അപകടത്തിൽ ആയിരക്കണക്കിനു പേർ ഭവനരഹിതരായി.

2013ൽ ആണ് ഇതിന്റെ നിർമാണം ആരംഭിച്ചത്. ജലപ്രവാഹത്തിൽ ആറ് ഗ്രാമങ്ങൾ വെള്ളത്തിനടിയിൽ ആയതായതായാണ് റിപ്പോർട്ട്.