കീഴാറ്റൂർ നടപടികൾ നിർത്തിവെക്കും

കീഴാറ്റൂർ ബൈപ്പാസിന്റെ നടപടികൾ നിർത്തിവെക്കാൻ കേന്ദ്ര നിർദ്ദേശം. 3ഡി അലൈൻമെന്റ് നോട്ടിഫിക്കേഷൻ തൽക്കാലത്തേക്ക് മരവിപ്പിച്ചു. ഈ അലൈൻമെൻറിനെതിരെ പി.കെ കൃഷ്ണദാസ് ഉൾപ്പടെയുള്ള ബിജെപി നേതാക്കൾ നിധിൻ ഗഡ്കരിക്ക് നിവേദനം നൽകിയിരുന്നു. ബൈപാസ് അലൈൻമെൻറ് സംബന്ധിച്ച് കേന്ദ്രം അടുത്ത മാസം വയൽക്കിളികളുമായി ചർച്ച നടത്തിയേക്കും.

കേന്ദ്ര ഉപരിതല ഗതാഗതവകുപ്പ് 3ഡി അലൈൻമെന്റ് ഉണ്ടാക്കിയത് ഈ മാസം 13 നാണ്. കീഴാറ്റൂരിൽ പാരിസ്ഥിതിക ആഘാതം ഉണ്ടാക്കുമെന്ന് കണ്ടെത്തിയിരുന്നു.

ഓഗസ്റ്റ് ആദ്യവാരം വയൽക്കിളി നേതാക്കളും ബിജെപി നേതാക്കളും ഒരുമിച്ച് കേന്ദ്ര ഉപരിതല ഗതാഗത മന്ത്രി നിതിൻ ഗ ഡ്കരിയുമായി കൂടിക്കാഴ്ച നടത്തും. ഇതിന് ശേഷം തുടർ നടപടികളുണ്ടാകുമെന്നാണ് വിവരം.

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top