പാലക്കാട് മഴ മാറി നിൽക്കുന്നു

പാലക്കാട് മഴ മാറി നിൽക്കുന്നു. വെള്ളക്കെട്ടിനും ശമനം ഉണ്ട്. പട്ടാമ്പി പാലത്തിന് മുകളിൽ നിന്ന് വെള്ളം പിൻവാങ്ങിയിട്ടുണ്ട്. ഭാഗികമായി ഇതുവഴി ഗതാഗതം സ്ഥാപിച്ചിട്ടുണ്ട്. കുതിരാൻ വഴിയുള്ള ഗതാഗതവും ഭാഗികമായി പുനഃസ്ഥാപിച്ചിട്ടുണ്ട്. പാലക്കാട് നിന്ന് മണ്ണാർക്കാട് വഴി കോഴിക്കോട്ടേക്കും ഒറ്റപ്പാലം വഴി തൃശ്ശൂരിലേക്കും സർവീസുകൾ ആരംഭിച്ചിട്ടുണ്ട്. എങ്കിലും ഡാമുകളൊന്നും അടച്ചിട്ടില്ല. മലമ്പുഴ ഡാമിലെ ജലനിരപ്പ് നിയന്ത്രണ വിധേയമാകുന്നത് വരെ ഷട്ടറുകൾ അടയ്ക്കില്ലെന്ന് അധികൃതർ അറിയിച്ചിട്ടുണ്ട്. തമിഴ്നാട്ടിലെ ആളിയാർ ഡാമും തുറന്ന് കിടക്കുകയാണ്. ഇവിടെ പലയിടങ്ങളിലും റോഡ് തകർന്ന് കിടക്കുകയാണ്.