ഡിഎംകെ അധ്യക്ഷ സ്ഥാനത്തേക്ക് എംകെ സ്റ്റാലിൻ പത്രിക സമർപ്പിച്ചു

ഡിഎംകെ അധ്യക്ഷ സ്ഥാനത്തേക്ക് എംകെ സ്റ്റാലിൻ പത്രിക സമർപ്പിച്ചു. നിലവിലെ വർക്കിങ്ങ് പ്രസിഡന്റാണ് സ്റ്റാലിൻ. ട്രഷറർ സ്ഥാനത്തേയ്ക്ക് മുതിർന്ന നേതാവ് ദുരൈ മുരുകനും പത്രിക നൽകി. ഡി.എം.കെയുടെ അറുപത്തിയഞ്ച് ജില്ല സെക്രട്ടറിമാരും പിന്തുണച്ച പത്രികകൾ പാർട്ടി ആസ്ഥാന സെക്രട്ടറി ആർ.എസ്.ഭാരതി സ്വീകരിച്ചു.

മെറീനയിലെ കരുണാനിധിയുടെ സമാധിയിൽ പത്രികൾ വച്ച് അനുഗ്രഹം തേടി. നാമനിർദ്ദേശ പത്രിക സമർപ്പിക്കാനുള്ള സമയം ഇന്നവസാനിക്കും.