വെള്ളപ്പൊക്കം; പലയിടത്തും മാലിന്യങ്ങള്‍ കുമിഞ്ഞുകൂടുന്നു

വെള്ളപ്പൊക്ക ബാധിത മേഖലകളില്‍ വെള്ളമിറങ്ങിയപ്പോള്‍ ബാക്കിയാകുന്നത് വലിയ തോതില്‍ മാലിന്യം. വീടുകളിലേക്ക് മടങ്ങിയെത്തുന്നവര്‍ പൊതുവഴികളിലും മറ്റ് സ്ഥലങ്ങളിലും മാലിന്യം നിക്ഷേപിക്കുന്നത് ജനജീവിതത്തെ ബാധിക്കുന്നു. സ്വകാര്യ വ്യക്തികളുടെ ഭൂമിയിലും ഇത്തരത്തില്‍ മാലിന്യം നിക്ഷേപിക്കുന്നുണ്ട്. എറണാകുളം ജില്ലയിലെ നോര്‍ത്ത് പറവൂര്‍, പറവൂര്‍തറ റോഡില്‍ ചേന്ദമംഗലം പാലത്തിന് സമീപം വലിയ തോതില്‍ മാലിന്യം നിക്ഷേപിച്ചിരിക്കുന്നു. മുന്‍സിപാലിറ്റി അധികൃതര്‍ ഇതിനെതിരെ നിയമനടപടികളോ മറ്റ് പ്രതിവിധികളോ സ്വീകരിച്ചിട്ടില്ല.