ദുരിത ബാധിതര്‍ക്ക് 10,000 രൂപ ഉടന്‍ കൈമാറാന്‍ മുഖ്യമന്ത്രിയുടെ നിര്‍ദേശം

ദുരിത ബാധിതര്‍ക്ക് 10,000 രൂപയുടെ ആദ്യ സഹായം ഉടന്‍ കൈമാറും. തുക ഉടന്‍ കൈമാറണമെന്ന് കളക്ടര്‍മാര്‍ക്ക് മുഖ്യമന്ത്രി നിര്‍ദേശം നല്‍കി. അടുത്ത ബാങ്ക് പ്രവൃത്തി ദിനത്തില്‍ തന്നെ തുക കൈമാറണമെന്നാണ് നിര്‍ദേശം. ബുധനാഴ്ചയാണ് ഇനി ബാങ്കുകള്‍ക്ക് പ്രവൃത്തിദിനം. നിലവിലെ കണക്കനുസരിച്ച് മുഖ്യമന്ത്രിയുടെ ദുരിതാശ്വാസ നിധിയിലേക്ക് ഇതുവരെ 700 കോടിയോളം എത്തിയെന്നാണ് സൂചന. ബുധനാഴ്ചയോടെ ഇത് 1000 കോടിയെത്തുമെന്നാണ് ധനവകുപ്പിന്റെ കണക്ക്.