കേരളാ സമാജം നൈജീരിയയുടെ നേതൃത്വത്തില്‍ നടത്താന്‍ തീരുമാനിച്ച ഓണാഘോഷ പരിപാടി റദ്ദാക്കി; ദുരിതാശ്വാസ നിധിയിലേക്ക് 30 ലക്ഷം രൂപ സമാഹരിച്ചു

കേരളാ സമാജം നൈജീരിയയുടെ നേതൃത്വത്തിൽ ഓക്ടോബർ 7ന് നടത്താൻ തീരുമാനിച്ചിരുന്ന ഓണഘോഷ പരിപാടി റദ്ദാക്കി. പ്രളയ ദുരിതത്തിൽ പ്രയാസമനുഭവിക്കുന്ന കേരള ജനതയോട് ഐക്യദാർഡ്യം പ്രഖ്യാപിച്ചും ദുഃഖത്തിൽ പങ്കുചേർന്നുമാണ് ഓണാഘോഷ പരിപാടി റദ്ദാക്കിയത്. സമാജത്തിന്റെ നേതൃത്വത്തിൽ പ്രളയ ദുരിത ബാധിതർക്കുള്ള സഹായ നിധിയിലേക്കുള്ള ധനസമാഹരണം പുരോഗമിക്കുന്നു. നിലവില്‍ 30 ലക്ഷത്തോളം രൂപ സമാഹരിച്ച കേരളാ സമാജം ആ തുക സെപ്റ്റംബര്‍ അവസാനത്തോടെ മുഖ്യമന്ത്രിയ്ക്ക് നേരിട്ട് കൈമാറും. നേപ്പാൾ അസോസിയേഷന്റെ നേതൃത്വത്തിൽ സമാഹരിച്ച ധനസഹായം അസോസിയേഷൻ ഭാരവാഹികൾ കേരളാ സമാജം കമ്മറ്റിയ്ക്ക് കൈമാറി.