കറാന്‍ രക്ഷകനായി; ആദ്യ ഇന്നിംഗ്‌സില്‍ ഇംഗ്ലണ്ടിന് 246 റണ്‍സ്

തകര്‍ച്ചയില്‍ നിന്ന് ഇംഗ്ലണ്ടിനെ സാം കറാന്‍ കരകയറ്റി. 86 റണ്‍സിനിടെ ആറ് വിക്കറ്റുകള്‍ നഷ്ടമായ ഇംഗ്ലണ്ടിന്റെ ഇന്നിംഗ്‌സ് 246 ലേക്ക് എത്തിയത് കറാന്റെ ഇന്നിംഗ്‌സ് കരുത്തിലാണ്. 136 പന്തുകളില്‍ നിന്ന് 76 റണ്‍സാണ് കറാന്റെ സംഭാവന. 40 റണ്‍സ് നേടിയ മോയിന്‍ അലി കറാന് പിന്തുണ നല്‍കി.

ഇന്ത്യയ്ക്ക് വേണ്ടി ജസ്പ്രീത് ബുംറ മൂന്ന് വിക്കറ്റുകളും ഇഷാന്ത്, ഷമി, ആര്‍. അശ്വിന്‍ എന്നിവര്‍ രണ്ട് വീതം വിക്കറ്റുകളും സ്വന്തമാക്കി. ഇംഗ്ലണ്ടിന്റെ ആദ്യ ഇന്നിംഗ്‌സ് സ്‌കോറായ 246 റണ്‍സ് പിന്തുടരുന്ന ഇന്ത്യ ആദ്യ ദിനം പൂര്‍ത്തിയായപ്പോള്‍ വിക്കറ്റ് നഷ്ടമില്ലാതെ 19 റണ്‍സ് സ്വന്തമാക്കിയിട്ടുണ്ട്. 11 റണ്‍സ് നേടിയ ലോകേഷ് രാഹുലും മൂന്ന് റണ്‍സുമായി ശിഖര്‍ ധവാനുമാണ് ക്രീസില്‍.