‘കേരളത്തിലെ പ്രമുഖ ക്ഷേത്രങ്ങളിലെ സ്വത്ത് കേരളത്തിന്റെ പുനര്‍നിര്‍മ്മാണത്തിന് ഉപയോഗിക്കണം’; ബിജെപി എംപിയുടെ ട്വീറ്റ് വൈറല്‍

കേരളത്തിലെ പ്രശസ്തമായ മൂന്നു ക്ഷേത്രങ്ങളിലെ സ്വര്‍ണം വിറ്റ് പ്രളയദുരിതബാധിതരെ സഹായിക്കണമെന്ന് ബി.ജെ.പി. എം.പി. ഉദിത് രാജ്. ശ്രീപദ്മനാഭസ്വാമിക്ഷേത്രം, ശബരിമല ശ്രീധര്‍മശാസ്താ ക്ഷേത്രം, ഗുരുവായൂര്‍ ശ്രീകൃഷ്ണക്ഷേത്രം എന്നീ ക്ഷേത്രങ്ങളിലെ സമ്പത്ത് ഒരു ലക്ഷം കോടിയിലധികംവരും. 21,000 കോടിയുടെ നഷ്ടം നികത്താന്‍ ഇതിലൊരു ഭാഗം ഉപയോഗിക്കാം. ജനങ്ങള്‍ ഈ ആവശ്യം ഉന്നയിക്കണം. ആളുകള്‍ മരിക്കുകയും രോഗബാധിതരാവുകയും ചെയ്യുമ്പോള്‍ അത്തരം സമ്പത്ത് കൊണ്ട് മറ്റെന്താണ് ഉപയോഗമെന്നും അദ്ദേഹം ട്വീറ്റിലൂടെ ചോദിച്ചു. ബിജെപി എംപിയുടെ ട്വീറ്റ് വൈറല്‍ എം.പിയുടെ ട്വീറ്റിനെ പിന്തുണച്ചും എതിര്‍ത്തും നിരവധി പേര്‍ ഇതിനോടകം സോഷ്യല്‍ മീഡിയയില്‍ രംഗത്തെത്തിയിട്ടുണ്ട്.

The Gold & Wealth of Padmanabha,Sabarimala,Guruvayur
is more than 1 lakh crores & to compensate the losses of 21 thousand Crores is for less than temples wealth. What is use of such and wealth. When people are dying and crying.

— Dr. Udit Raj, MP (@Dr_Uditraj) September 11, 2018