നരേന്ദ്രമോദിയുടെ വരാണസിയിലെ റാലിയിൽ കറുപ്പ് നിറത്തിന് വിലക്ക്

പ്രധാനമന്ത്രി നരേന്ദ്ര മോദി പങ്കെടുക്കുന്ന വരാണസിയിലെ റാലിയിൽ കറുപ്പ് നിറത്തിന് വിലക്ക്. ബനാറസ് ഹിന്ദു സർവ്വകലാശാലയിലെ വേദിയിലേക്കെത്തുന്നവർക്കാണ് കറുത്ത വസ്ത്രവും മുഖം മറയ്ക്കുന്നതും വിലക്കിയിരിക്കുന്നത്.

ഇതിന് പുറമെ കറുത്ത തൊപ്പി, കറുത്ത ബാഗ് എന്നിവയ്ക്കും വിലക്കുണ്ട്. അഞ്ഞൂറ് കോടിയുടെ വിവിധ പദ്ധതികൾക്കാണ് പ്രധാനമന്ത്രി വരാണസിയിൽ തറക്കല്ലിടുന്നത്.