ചര്‍ച്ചയ്ക്ക് ക്ഷണിച്ച് പാകിസ്ഥാന്‍; പ്രതികരിക്കാതെ ഇന്ത്യ

പ്രധാനമന്ത്രി നരേന്ദ്ര മോദിയെ ചര്‍ച്ചയ്ക്ക് ക്ഷണിച്ച് പാകിസ്ഥാന്‍ പ്രധാനമന്ത്രി ഇമ്രാന്‍ ഖാന്‍. ഇരു രാജ്യങ്ങള്‍ക്കുമിടയില്‍ നിര്‍ത്തിവച്ച ചര്‍ച്ചകള്‍ വീണ്ടും തുടങ്ങണമെന്ന് ഇമ്രാന്‍ ഖാന്‍ നരേന്ദ്ര മോദിക്ക് കത്തെഴുതി.

ആദ്യ ഘട്ടമായി ന്യൂയോർക്കിൽ വിദേശകാര്യമന്ത്രിമാർക്കിടയിലെ ചർച്ച നടക്കട്ടെ എന്ന നിര്‍ദേശമാണ് ഇമ്രാന്‍ ഖാന്‍ മുന്നോട്ട് വയ്ക്കുന്നത്. ഐക്യരാഷ്ട്ര സമ്മേളനത്തിനായി ഈ മാസം സുഷമാ സ്വരാജും പാകിസ്ഥാൻ വിദേശകാര്യ മന്ത്രി ഷാ മെഹമൂദ് ഖുറേഷിയും ന്യൂയോർക്കിൽ എത്തുന്നുണ്ട്. ഇമ്രാൻറെ കത്തിനോട് ഇന്ത്യ പ്രതികരിച്ചിട്ടില്ല.