ഫ്രാങ്കോ മുളയ്ക്കലിനെ രണ്ട് ദിവസത്തെ പോലീസ് കസ്റ്റഡിയിൽ വിട്ടു

പീഡനക്കേസിൽ ജലന്ധർ മുൻ ബിഷപ്പ് ഫ്രാങ്കോ മുളയ്ക്കലിനെ ജുഡീഷ്യൽ/പോലീസ് കസ്റ്റഡിയിൽ വിട്ടു. പാലാ മജിസ്‌ട്രേറ്റ് കോടതിയുടേതാണ് നടപടി. ബിഷപ്പ് ജാമ്യാപേക്ഷ നൽകിയെങ്കിലും കോടതി അംഗീകരിച്ചില്ല.

ഉച്ചയ്ക്ക് ഒരുമണിയോടെയാണ് ഫ്രാങ്കോ മുളയ്ക്കലിനെ കോടതിയിൽ എത്തിച്ചത്. കോട്ടയം പോലീസ് ക്ലബിൽ നിന്ന് വൻ സുരക്ഷയോടെയാണ് ഫ്രാങ്കോയെ പാലായിൽ എത്തിച്ചത്. കോടതി പരിസരത്തും ശക്തമായ സുരക്ഷ ഏർപ്പെടുത്തിയിരുന്നു.

മൂന്ന് ദിവസത്തെ കസ്റ്റഡിയിൽ വേണമെന്നായിരുന്നു പോലീസിന്റെ അപേക്ഷ. എന്നാൽ കോടതി രണ്ട് ദിവസത്തെ പോലീസ് കസ്റ്റഡിക്കാണ് വിട്ടത്. തിങ്കളാഴ്ച്ച ഉച്ചയ്ക്ക് 2.30 ന് ഫ്രാങ്കോ മുളയ്ക്കലിനെ കോടതിയിൽ
വീണ്ടും ഹാജരാക്കണമെന്ന് കോടതി ഉത്തരവിട്ടിട്ടുണ്ട്.