ശബരിമല സ്ത്രീ പ്രവേശനം; തൃപ്തി ദേശായി വിശ്വാസികളെ വെല്ലുവിളിക്കുകയാണെന്ന് ശ്രീധരന്‍ പിള്ള

ശബരിമലയില്‍ പ്രവേശിക്കുമെന്ന തൃപ്തി ദേശായിയുടെ നിലപാട് വിശ്വാസികളോടുള്ള വെല്ലുവിളിയാണെന്ന് ബിജെപി സംസ്ഥാന അധ്യക്ഷന്‍ പി.എസ് ശ്രീധരന്‍ പിള്ള. തൃപ്തിയുടേത് എരിതീയില്‍ എണ്ണയൊഴിക്കുന്ന നിലപാടാണെന്നും അദ്ദേഹം കൂട്ടിചേര്‍ത്തു. ഈ മണ്ഡലകാലത്ത് തന്നെ ഒരു കൂട്ടം സ്ത്രീകള്‍ക്കൊപ്പം ശബരിമലയില്‍ പ്രവേശിക്കുമെന്ന തൃപ്തി ദേശായിയുടെ പ്രഖ്യാപനത്തിന് പിന്നാലെയാണ് പ്രതികരണവുമായി  ശ്രീധരന്‍ പിള്ള രംഗത്തെത്തിയത്.