മൈക്രോ സോഫ്റ്റ് സഹസ്ഥാപകന്‍ പോള്‍ അലന്‍ അന്തരിച്ചു

മൈക്രോ സോഫ്റ്റ് സഹസ്ഥാപകന്‍ പോള്‍ അലന്‍ അന്തരിച്ചു. ക്യാന്‍സര്‍ ബാധയെ തുടര്‍ന്ന് ചികിത്സയിലായിരുന്നു. 1975ലാണ് ബില്‍ഗേറ്റ്സുമായി ചേര്‍ന്ന് പോള്‍ അലന്‍ മൈക്രോസോഫ്റ്റിന് രൂപം നല്‍കുന്നത്. ഒമ്പത് വര്‍ഷങ്ങള്‍ മുമ്പ് അലന്‍ ക്യാന്‍സറില്‍ നിന്ന് മോചിതനായതാണ്. എന്നാല്‍ രണ്ടാഴ്ചയ്ക്ക് മുമ്പ് താന്‍ വീണ്ടും ക്യാന്‍സര്‍ ബാധിതനാണെന്ന് അലന്‍ വെളിപ്പെടുത്തി. ഈ വെളിപ്പെടുത്തലിന് ശേഷം അധികം വൈകാതെയായിരുന്നു മരണം. 65വയസ്സായിരുന്നു. 2013 ലോകത്തിലെ ഏറ്റവും വലിയ ധനികനായ അവിവാഹിതനായി അലനെ വെല്‍ത്ത് എക്സ് തിരഞ്ഞെടുത്തിരുന്നു.

Paul Allen