ശബരിമലയില്‍ നിരോധനാജ്ഞ വെള്ളിയാഴ്ച വരെ നീട്ടി

ശബരിമല യുവതി പ്രവേശനവുമായി ബന്ധപ്പെട്ട സംഘര്‍ഷങ്ങളുടെ പശ്ചാത്തലത്തില്‍ പ്രഖ്യാപിച്ച നിരോധനാജ്ഞ വെള്ളിയാഴ്ച വരെ നീട്ടി. ഇന്ന് 12 മുതലാണ് നിരോധനാജ്ഞ പ്രഖ്യാപിച്ചത്. അതേസമയം ഇന്നലെ ശബരിമലയിലുണ്ടായ സംഘര്‍ഷത്തില്‍ 15 പേരെ കസ്റ്റഡിയിലെടുത്തുവെന്ന് പത്തനംതിട്ട എസ്പി അറിയിച്ചു. ആവശ്യമെങ്കില്‍ കൂടുതല്‍ പൊലീസിനെ വിന്യസിക്കുമെന്നും എസ്പി പറഞ്ഞു. പമ്പയിലും നിലക്കലിലും ഒരു സമര പരിപാടിയും അനുവദിക്കില്ലെന്നു പോലീസ് വ്യക്തമാക്കിയിട്ടുണ്ട്.
മാധ്യമപ്രവർത്തകയെ തടഞ്ഞതിന്റെ പശ്ചാത്തലത്തിൽ മരക്കൂട്ടം മേഖലയിൽ സുരക്ഷ ശക്തമാക്കിയിട്ടുണ്ട്. കാനന പാതയുടെ പൂർണ്ണ നിയന്ത്രണം ഇപ്പോൾ പോലീസിന്റെ കയ്യിലാണ്.