ഹോക്കി ലോകകപ്പ്; ഇന്ത്യ ക്വാര്‍ട്ടറില്‍

ഹോക്കി ലോകകപ്പില്‍ ഇന്ത്യ ക്വാര്‍ട്ടറില്‍ പ്രവേശിച്ചു. ആവേശകരമായ മത്സരത്തില്‍ കാനഡയെ ഒന്നിനെതിരെ അഞ്ച് ഗോളിനാണ് ഇന്ത്യ തകര്‍ത്തത്. ഇരട്ടഗോള്‍ നേടിയ ലളിത് ഉപാധ്യായയാണ് ഇന്ത്യയ്ക്ക് തകര്‍പ്പന്‍ വിജയം സമ്മാനിച്ചത്. 47, 57 മിനിറ്റുകളിലായിരുന്നു ലളിതിന്റെ ഗോളുകള്‍. ഹര്‍മന്‍പ്രീത് സിങ് (12), ചിംഗ്ലെന്‍സാന സിങ് (46), അമിത് രോഹിദാസ് (51) എന്നിവരാണ് ഇന്ത്യയുടെ ശേഷിച്ച ഗോളുകള്‍ നേടിയത്. കാനഡയുടെ ആശ്വാസഗോള്‍ ഫ്‌ലോറിസ് വാന്‍സണ്‍ (39) നേടി.