ശബരിമലയില്‍ നിരോധനാജ്ഞ നീട്ടി

ശബരിമലയിലെ നിരോധനാജ്ഞ വീണ്ടും നീട്ടി. നാല് ദിവസത്തേക്കാണ് നിരോധനാജ്ഞ നീട്ടിയിരിക്കുന്നത്. ഇന്ന് അര്‍ധരാത്രിയോടെയാണ് നിലവില്‍ നിരോധനാജ്ഞ അവസാനിക്കേണ്ടിയിരുന്നത്. എന്നാല്‍ ഡിസംബര്‍ 18 അര്‍ധരാത്രി അവസാനിക്കേണ്ടിയിരുന്ന നിരോധനാജ്ഞ ഡിസംബര്‍ 22 അര്‍ധരാത്രി വരെയായി നീട്ടുകയായിരുന്നു. ഇലവുങ്കല്‍ മുതല്‍ സന്നിധാനം വരെയാണ് നിരോധനാജ്ഞ നിലനില്‍ക്കുക. നിയമവിരുദ്ധമായി സംഘം ചേരുന്നതും പ്രകടനങ്ങള്‍ നടത്തുന്നതും നിരോധിച്ചിട്ടുണ്ട്. അതേസമയം, ശബരിമല ദര്‍ശനത്തിനെത്തുന്ന വിശ്വാസികളെ നിരോധനാജ്ഞയില്‍ നിന്ന് ഒഴിവാക്കിയിട്ടുണ്ട്.